Langreo - Asturias: viernes 19 octubre del 2018 - Acceso Colaboradores
Últimas noticias:

Presentado les Jornaes de Castilletes y Carbón

Fecha: 09/10/2018 | Eventos y fiestas

Per novenu añu consecutivu, la Fundación Nuberu y l’Ayuntamientu de Llangréu organicen les xornaes culturales De castilletes y carbón. Trátase de la edición novena d’una actividá de dinamización cultural qu’estes dos entidaes ponen en marcha como consecuencia del conveniu de collaboración firmáu ente elles. Estes xornaes culturales busquen ser un averamientu ya intentu d’interpretación de la mina y tolo que la arrodia al traviés de la música, el cine y tamién de ponencies que traten esti tema dende diferentes perspectives y ámbitos d’estudiu.

Les xornaes De castilletes y carbón articúlense nun ciclu de películes, Baxando pa la galería, que va echase los miércoles del mes d’ochobre nel Cine Felgueroso de Sama a les 19:30: Billy Elliot el miércoles 10; Lobos sucios el día 17; Los 33 el día 24 y La mina del diablo pal miércoles 31

Y una serie de ponencies qu’analicen el mundu la minería, Los xueves de castilletes y carbón, que van lleese nel mes de payares na Casa los Alberti de Ciañu a les 20:00 hores: La gaita, tradición anovada por Berto Varillas el xueves día 8; ¿Por qué ye necesaria la oficialidá?, drechos llingÜísticos n’Asturies por Inaciu Galán el xueves 15; El paisaxe de la reconversión na lliteratura asturiana por Marta Mori d’Arriba pal día 22 y remátase’l día 29 de payares cola presentacón de la obra ganadora del XXIII premiu d’ensayu “Máximo Fuertes Acevedo” 42,553. Depués de Buchenwald  L’actividá  De castilletes y carbón se complementa cola esposición Mina nel mundu que pue visitase demientres el mes de payares na Casa los Alberti de Ciañu.

 


Tu opinión es importante, ¡comenta!